Um dos efeitos desta desocupaçom que, por outro lado, me ocupa grande parte do tempo é que estou a experimentar umha voracidade leitora que nem na minha tenra puberdade!
Nom sei é quando deverei parar antes de acabar como Don Alonso Quijano. Igualmente, duvido de se, dada a situaçom actual de inactividade, fastio e desesperança, deixar perder as horas nas reviravoltas do naturalismo e do realismo espanhol do IXX será o mais conveniente para a saúde mental de própria e alheios.
Assim mesmo, tampouco estou certa de se estará relacionado com a mencionada previsível regressom à adolescência, mas também estou a notar umha certa re-radicalizaçom das minhas visons do mundo despois de, devo confessar, umha longa e tampouco-tam-escura etapa de pequeno-burguesismo rampante.
