quarta-feira, 30 de maio de 2012

E-162


Haverá cousa mais divertida com que cozinhar q'a remolacha?







_________________________
Collage meu, naturalmente. Impossível escolher só umha foto, essa cor!
Recomenda-se clicar nas imagens para umha experiência de apreciaçom plena.

quarta-feira, 16 de maio de 2012

Rabiosa actualidad

Ultimamente, o feito de ler a prensa equivale a um prolongado momento de "nom quero mirar, mas nom podo deixar de mirar" coma esses característicos de certas cenas desagradáveis como operaçons, accidentes, filmes míticos de canibais, desempregos galopantes ou os típicos desmantelamentos dos serviços públicos no meio de flagrantes corrupçoes legais e morais.


Quel horreur ! Je ne veux pas voir ça !

E isso tudo sem sequer chegar à secçom de "Internacional"...
_________________________
Talvez o problema nom seja a prensa, mas o mundo. Ou, melhor dizendo, a fracçom de mundo que se nos permite ver.
[Imagem]

domingo, 6 de maio de 2012

Vícios


Antes era adicta à cafeína...


pero agora descobrim a canela!








_________________________
Mmmmmmmm, chai! Que rico, mamasinha. Nom che é o chai "verdadeiro", digamos, senom de bolsinhas, mas ainda assi, que vicioso é, caramba, de dia, de noite, à merenda, a todas as horas! Isso si, sobre as alegadas propiedades libido-estimulantes da canela nom me fagam comentar, que nom quero ser responsável de desmitificaçons nem desvalorizaçons, que já bastante temos com primas, e nom das que se arrimam precisamente.

terça-feira, 1 de maio de 2012


Nestas setentrionalidades em que nos encontramos desde a última semana nom para de chover (a anterior nom sei, nom contesto). Nós, claro, já estamos avisados de que, entre outras cousas, a auga de Abril enche o carro e o carril. Mas aqui deve ser raro que até hai perigo de cheias e seique dizem os jornais que foi o mês de Abril que mais choveu desde os últimos... bueno, o de sempre parece claro que estadista meteorológico deve ser dos ofícios mais solicitados nos últimos tempos.

No entanto, já estamos a primeiro de Maio, continua a chover, falta fai, pola seca, entre outras cousas, e penso que concordarám comigo em que muitos chuços fazem falta!



A cántaros - Pablo Guerrero

_________________________
Com sorte, a auga ajuda-nos a espabilar nestes tempos em que um já nom sabe se é melhor ler os jornais ou nom os ler, num delicado equilíbrio entre o desconsolo, a raiva e o espanto, de sobressalto em sobressalto andamos!
Fala-se muito de "desmantelamento" e, em efeito, nom sei vós, mas eu tenho a sensaçom de estarmos dentro de umha casa mentres chegam uns macaquinhos que começam a levar o telhado, as portas, o chao, e nós ali coa boca aberta, "pero... pero... nom pode ser, está a passar isto de verdade?", sem acabar de crer o que está a passar, assistindo ao saqueio paralisados, embargados polo estupor, pasmados, em choque.


[Imagem]