1. Passar o ferro? Passar o ferro? Alguém falou em passar o ferro? Se hai cousa que odeie profundamente é passar o aspirador... Prefiro mil vezes varrer... Si yo tuviera una escoba, cuántas cosas barrería...
2. Tenho umha espécie de torticolis só que nom é exactamente no pescoço nem é de dormir, senom dalgum malaventurado movimento ao saír da ducha. Afecta a umha linha que começa com certa suavidade no lado direito pescoço e vai até à beira esquerda da omoplata direita cumha leve inclinaçom e nom tam leve contundência, valha-me a precisom.
3. Misteriosamente desapareceu com ocasiom da sessom de ioga, sem ressentimento apreciável entre estira por aqui, estira por acolá, passa umha perna por riba da cabeça and so on.
4. Se quadra foi um castigo divino por andar entreter as neuras a pensar na terrível carga com que nos gratificou o Criador ao fazer-nos seres rapida e facilmente sujos e cheirosos, instaurando a consequente necessidade de ter que passar polo trem de lavado com insidiosa frequência (por nom falar da trapalhada essa da cultura, a sociedade, as convençons...). Por que, vamos ver, já pensou alguém no tempo que se perde com tanto ispa-se-molhe-se-enxaboe-se-enxaugue-se-seque-se-vista-se?
5. Qualquer desculpa é boa para aliterar-se!
6. E nom me venham com histórias, que é um prazer a ducha pola manha, que se depois de suar, que tumba e dá-lhe. Quem pode realmente gostar disso? Os nenos, filhos de dios e testigos do demo, odeiam banhar-se. E com razom. É que hai alguém que aguente com gosto o fatídico momento de pechar a bilha e ficar molhado como um pito à mercê das correntes de ar e em pelotillas inda por riba?
7. A propósito, nom sei se será da idade, que nos vamos consentindo cada vez mais, sem tempo nom era, mas o certo é que eu cada dia vejo-me mais mona, chico.
8. E antes de dizerem que nom som bem guiada, lembrem que os tolos e os nenos, outra vez, som os que dizem as verdades.
9. A falsa torticolis voltou depois do ioga. Nom me fagam mirar para a esquerda, moços jeitosos venham de frente ou pola direita.
10. Poida que seja de tanto chá com leite.
11. E nom será da auga?! Calcária que nem o demo, que um dia vou ter que declarar o escorredor zona de interesse geológico em vista das estalactites que se formam nas colheres assi que me distraio, caramba.
[Imagem]
5 comentários:
Que bó! pero... Non estou de acordo no dos nenos, se non fora pola educación aínda estaríamos a reñir por ver quén ten a mellor pala para coller areia... Como tanto jillado que hai no mundo, non?
Non leo máis: se chego ao final poñerei en cuestión até os máis sólidos alicerces da civilización occidental!
(qual a neura que lhe deu, ó menina?!)
Pode ser, condado, pode ser. :) De feito, hai bastante que educar às vezes, por nom falar de como e que. :)
Kaplan, a neura é que nom me gosta demasiado duchar-me XD Especialmente no inverno! Gosta-me estar limpinha e fresquinha e tal, nom se me malinterprete ;), mas o processo de passar por baixo da "alcachofa" é um pouco... "coñazo"?
Divertinme moito léndoa hoxe, e non, non gosto de quedar a airear como a roupa despois da ducha. Por que non proba a se poñer o albornoz previamente aquecido no calefactor? Verá que marabilla, así, envolvéndoa toda con esa temperatura xusta. Claro que iso require de se erguer con certa anticipación porque senón a fase de aquecemento desaparece e pasa ser substituída por unha pasada rápida de toalla e poño a roupa case mollando. A min desespérame máis a perda de tempo de colocar ben os amallós dos botíns, e aínda máis o tempo de afrouxalos para quitar os pés.
Sinto o do seu cabalo e si, ha de ser verdade porque eu tamén a vexo máis mona. Saúdos.
Pois a min encántame ducharme, até con auga fría, mira ti se estarei de atar. O que non me gusta nada, nada, é o do baño.Pero iso de que os nenos o detestan, é mentira. Á miña sobriña encántalle. Coitada, a ver se herdou os meus xenes...
No que si coincidimos é no da aspiradora. Prefiro a vasoira mil veces. Aínda que haxa que recorrer ao monstro de cando en cando.
Para iogas si que non teño pachorra. Creo que me estresaría, pero se che serviu para desencerellar o pescozo, loado sexa.
Enviar um comentário