Actas, notas y diligencias

1. Já nom me lembrava da tranquilidade de espírito que dá ter a casa limpa como umha patena. Ou quase. Só a partir daí se pode conquistar o mundo.

2. One thing at a time.

3. Nom me entendam mal, nom é que a casa parecesse exactamente umha leonera. Simples desorganizaçom básica, papéis ciscados, omnipresentes farangulhas, formaçons cársticas no banho, o típico.

4. Referência algo atrasada, mas encantou-me a vida do Diputado Tijeritas. Se eu fosse moderna e estivesse metida nalgumha dessas redes tam paveras dos social media faltaria-me tempo para propor que os usuários nos deleitassem com a sua criatividade oferecendo réplicas mordazes cada qual mais engenhosa sobre as actividades do simpático Tijeritas e os da sua espécie.

5. Dios nos dea ira que paciência já nós a temos.

6. Talvez alguem, que esteja a desfrutar de um exílio investigativo no estrangeiro, claro, deveria começar a estudar as conexons mente-casa, que num arrebato de loucura neológica poderiamos chamar psicodomóticas, responsáveis de que um fregadeiro da cozinha sem manchas de cal equivalha a umha iluminaçom transcendental.

[Imagem publicada por clotho98 sob licença CC Attribution-NonCommercial 2.0 Generic (CC BY-NC 2.0)]

A cachos

Mal começaram e já os dias de praia estám over. É o que tem aterrar na ilha no coldest and wettest August in the last 100 years. Melhor nem pensar no que nos deparará Setembro...
Um dos problemas é que ao nom ter andado muito descalça pero si em sandálias nom me deu tempo a uniformizar a cor dos pés... Agora debato-me entre manter estes exóticos pezinhos de tigre ou comprar algum tipo de auto-bronzeador e tentar obter um bonito e alaranjado fake-tan que dissimule as marcas para que noutros sapatos nom pareça que acabo de vir de ir às patacas!

Pés de tigre

Do corpo nem falemos. Polo menos ao estar branco inteiro vive-se com umha certa harmonia, umha coerência, umha estabilidade, umha organizaçom, por dios. Que esta assimetria vital acaba com qualquer um!



Folding chair - Regina Spektor


_________________________
Foto minha!! Depois de andar a fuchicar coas cores, filtros, tamanhos etc.