clubes

Eu nom gosto de Humidtown, nem sequer do nickname blogueiro com q derom em baptizá-la, preferiria outra cousa tipo "cidade de pedra" ou "hábitat natural dos snorkels", sei lá, algumha cousa pretendidamente mais poética. Ainda que talvez o chiste que tem esse nome é que a estranjeiriza (bem visto, o dos snorkels tb...) e afinal é isso, é umha pequena aldeia estranjeira... um balão, umha semiesfera dessas de neve, sabem quais vos digo?
A ver, antes de que me botem os cans, si gosto esteticamente. Antropologicamente, se se me permite a expressom, nom gosto tanto. Alcolicamente também já é outra cousa, mas hoje nom vamos continuar por aí...
De resto, nom gosto possivelmente porque nom pertenço. Receio instintivamente dos círculos em que nom estou. On the other hand, receio de me meter em círculo, elipse, estrela qualquer. Mmmm. Si, um pouco poderiamos até hipertextualizar isto c'o dos fríquis. Até poderiamos psicoanalisar, mas melhor vamos ficar por aqui.

[Nota paranormal: Hai uns dias tivem umha intuiçom do tipo "premoniçom que acaba por ser realidade". Já me passou mais vezes. E acabou por ser realidade. Também me passou que nom tivem intuiçons e acabou por ser realidade igualmente...
Tenho ghana de comprovar que si, q mais umha vez tenho razom. Ai, frustrante e gratificante a um tempo! O grau de frustraçom, é claro, depende do tipo de previsom que seja, porém, as que som realidade som frustrantes... nom tenho premoniçons "de resultado final satisfactório", ou antes as que tenho nom acabam a ser realidade. Mmmmm, quando deus repartiu os talentos talvez devim reclamar... para levar algumha alegria gratificante de quando em vez, nem q seja!
Ai, hei-de avisar quando tenha a certeza (se semelhante cousa for possível) da realidade deste último pressentimento. ]