Eu leio-a; e como as cousas que se me ocorrem para contar som dessas que nom se devem contar e sempre fum umha mulher fácil, nom me resisto ao egocentrismo tentador e fácil:

Que hora é?: As nove em ponto. De um domingo, domingo, domingo...
1. Nome Completo: Tantos! Um para cada ocasiom, alguns com os que me auto-baptizo e outros que me dam.
1. Alcumes? Nengum que eu saiba. Devera investigar?
2. Por quen che puxeron o nome? Por ninguém concreto. Ainda que estiverom a ponto de me pôr outro pola minha avoa.
4. Signo Zodiacal: Leão!!
5. Tatuaxes: Nengumha.
6. Amaches tanto a alguén como para chorar? Si. Nem que fosse por mim mesma...
7. Estiveches nun choque de coches? Nom.
9. O vaso, meio cheo ou meio vacio? Depende... havia umha "gracieta" com isto, bastante apropriada, mas nom a lembro... Devia ser tipo: completamente vazio.
10. Cor favorita de roupa interior: Todas, e estampados variados. Salvo talvez amarela e "color carne". Branco tampouco me chista muito.
11. Número favorito: Mmmmm. Nengum? Era o sete, mas agora já nom é nengum.
12. Cor favorita: As cores quentes: vermelho, laranja...
13. Supersticioso? Nom pensar nas cousas ou nas esperanças, porque se as pensas, nom se cumprem. Tentar nom pôr o carro diante dos bois para nom "gafar" as cousas. Evitar crer nas cousas antes de que passem, porque se nom, nom passam. Nom sei se me explico...
14. Tipo de música de preferéncia: Muitas. Que me cheguem, que me digam algo. Nom tenho critério.
16. Flor: Flor? Nom penso muito em flores, que prosaica! Poderiam ser as magnolias, as papoulas... a rosa do principinho??
17. Última visita ao hospital? Buf, pera que penso... A princípios de curso qdo fum acompanhar umha amiga que ia ver à sua tia ou prima ou algo que acabava de ter um neno. Nom passei da sala de espera.
18. Como te ves en dez anos? 10 anos? Nom me vejo... Suponho que mais ou menos igual. Espero que com carro e fora da casa. E... ainda que nom seja politicamente correcto dizê-lo, com nenos ou a ponto de nenos.
19. Que cambiarías da tua vida? Buf! Principalmente quereria mudar de pele dumha vez.
20. O primeiro que pensas ao espertar: 10 minutinhos, levanto-me daqui a um chisco... e paro a alarma do móvel na opçom em que nom a paras de tudo e toca cada 10 minutos, e adormecerei (mais ou menos profundamente dependendo do dia) e voltará a tocar dali a 10 minutos, e outra vez a pararei, e dali a 1o minutos outra vez... e podo estar assi bem mais de 1 hora. (Francamente, como pergunta creio que é mais interessante perguntar que é o que pensas antes de adormecer, quando já estás na cama, nessa cama tam quentinha ou tam grande ou tam fria ou tam sem fazer desde hai 15 dias ou tam desconhecida ou tam de sempre ou de fim de semana ou com almofada que estorva ou ghatos que che sobem às pernas no verao e ao pescoço no inverno!!)
21. Que hai na parede da teu cuarto? No meu actual da casa, nada. No que ia ser meu da casa postais, posters vários. Um poema de Pessoa. Os horários do bus. Um artigo de opiniom. No do piso durante o curso duas láminas enormes da Gulbenkian presidindo a cabeceira da cama. Postais. Um par de cartazes dum par de obras de teatro. Os horários de aulas. E mais trapalhadinha engraçada.
22. Persoa que talvez non conteste este post: Hehehehhe. Ninguém.
23. Persoa que seguro responde: Também ninguém.
24. Quen che gustaria que respondese? Mmmm. Nom sei. Quem queira.
25. Que dirias a alguén e non te atreves? Tantas cousas! As mesmas cousas que si som capaz de escrever(lhes) e algumhas que nem isso (custa-me verbalizar). Cousas que nalgum momento da minha vida tampouco me atrevia a dizer-me a mim mesma. Agora já si me digo tudo.
26. Deporte favorito: Para ver? Para fazer? Em abstracto? Em metáfora?
27. Tímido ou extrovertido? Depende.
29. Gusta-che ler? Si.
30. Falas algun idioma? Deveria.
31. Pasatempo favorito: Nom fago muito disso. Autodefinidos, talvez.
32. Praia ou montaña? Mmm. Praia. Ainda que um cómbi das duas também mola.
33. Coleccionas algo: Nom, demasiado metódico para mim.
34. Tes algunha fóbia? A algumhas situaçons, ao ridículo, ao fracaso, ao rechaço... Ai, isso som medos! :P Fóbia a cousas materiais, nom.
35. Cando foi a última vez que choraches? Onte.
36. Gusta-che a tua letra? Tem dias, normalmente si.
37. O pan gusta-che con que? Com todo, ou?
38. Sendo outro, serias o teu amigo? Buf, nom creio. Nom som de fazer-me querer, antes o contrário.
39. Tes un diario de vida? Nom. Demasiada constância para mim.
40. Es sarcástico? Hehehehe. Menos do que quereria.
41. Saltarías en bungee (puenting)? Talvez, mas nom é algo que me interesse.
42. Cereal preferido? Como que cereal preferido? Que tenhas cores, comidas preferidas ou números, é o que manda a tradiçom, mas cereais??
43. Desatas os zapatos ao sacá-los? Nom, quase nunca.
44. Cres que es forte? Nom sei, nom tivem que ser forte nunca. O que som é insensível, nom me afectam muito as cousas. Só em certos momentos de desesperaçom.
45. O teu xelado favorito? Iogurte. Mmmmmm.
46. Canto calzas? Un 35/36.
47. Roxo ou Rosa? Colorado, encarnado.
48. O que menos che gusta de ti? Ai meu deus! A ideia do teste este é acabar com princípios de depressom? O que nom che gusta? Como te ves? O que cambiarias? És feliz? A tua vida é umha merda? Fás este teste como introspecçom de "pacotilla" e descobres que nada é como queres nem queres nada como é?
Nom gosto de muitas cousas. Infelizmente. Muitas cousas que nom me deixam ser e fazer outras. De ser tam parva, tam consciente, tam neurotico-paranoica, tam egocéntrica, tam reprimida... Mmmm. Mas também tenho cousas boas, eh? E as "más", hei-de procurar que sejam menos, ou?!
49. A quen estrañas muito? Já estranhei mais, agora nom estranho gente, de tam afeita que estou a nom a ter comigo. Agora estranho momentos e tenho saudades do que nom foi, como di o tópico. Também do que nom será.
51. A cor de pantalón e zapatos que tes postos? Pantufas verdes e com abalórios rosas (em realidade som bonitas, ehhh) e pantalom beis.
52. O último que comiches hoxe? Um anaco de tarta de maçã.
53. Que estás a escuitar neste momento? Love is in the air! Hahahhahaa. Musiquilla variada da que hai polo pc adiante, principalmente que meteu a minha irmã.
54. A última persoa coa que falaches por teléfono? Um amigo que está polo levante.
55. Trago favorito? Vodka com sprite. Mojito. Caipirinha.
56. Deporte favorito para ver por tv? Mmmm. Nengum em especial.
57. Comida favorita? Tantas! Nengumha.
58. Película de terror ou final feliz? Nem umha nem outra. Qualquer umha que diga algo que me interesse em determinado momento.
59. Última película no cine? Buuuuuuffffffff! Nom me lembro... foi hai tanto tempo... Dogville, talvez?? Ah nom, umha coreana, penso, algo aborrecida... o ano passado...
60. Dia Favorito do ano? Que mania coas cousas favoritas!! A gente teoriza mto sobre o que gosta ou nom... A mim nunca se me ocorreu pensar em dias favoritos...
61. Inverno ou verao? Finais de agosto e setembro.
62. Bicos ou abrazos? Bicos de saúdo, de verdade, de língua. Abraços apertados. É possível que os abraços sejam mais verdadeiros que muitos bicos...
63. Postre preferido? Talvez tiramisú... Tenho um problema... sempre tenho que pensar mto nas cousas preferidas ou favoritas, caramba... Que pouca consciência dessas cousas tenho, ai.
64. Onde é o máis lonxe que estiveches da tua casa? A pérfida albiom.
65. Estiveches namorado algunha vez? Nom che sei. Se o estivem nom me dei conta.
66. Arrependeches-te algunha vez dalgo? Algumha vez, di... Muitas.
67. Cor de ollos preferida: A cor nom me importa tanto como a forma e as pestanas. Os olhos mui claros nom me gostam mto... De resto, tudo bem-vindo!
68. Nome de rapaz e rapaza favorito: E dá-lhe cos favoritos...
69. Fumas? Às vezes. Socialmente.
70. Condóns de laranxa ou limón? Nem de laranja nem de limom.
71. Sexo con amor ou sexo con morbo? Sexo. (a resposta é a mesma que a vossa, mas é que é assi....)
72. Usas algunha muletilla? Suponho que si... Agora que seja consciente... que mundo, que vida, que país, que cousas, eh, nom sei, bueno. Isto nom o deveriam dizer os que nos ouvem falar??
73. Tes algo pendente de facer? Sempre.
74. Un momento especial na tua vida: Nom sei. Podem passar duas cousas: que algo se faga especial co tempo, coas lembranças disso, ou que seja especial no momento e depois co tempo se faga menos especial. Do primeiro, umha vez que me fixerom umha caricinha na cara que eu no momento nom me dei conta do que me acabavam de dizer com isso... adolescências, já se sabe... Do segundo, certas cousas que me me dixerom em certos momentos.
Um mix das duas situaçons... algumhas fodas bonitas.
75. Es feliz? Por momentos.
76. Que hora é agora? As dez e vinte. Caralho po teste...