Minete

Pois hai umhas semanas aconteceu-me algo estranho que me fixo aprender de primeira mao umha expressom fantástica.

Saturday night, isto e aquilo. Estavamos numha terraza na vila, os colegas já pediram todos ali sentadinhos e eu tuvem que ir pedir à barra.
Atendeu-me umha camarera rúbia que andava por ali, pedim e dixem-lhe que estava "naquela mesa", e sinalei. Pero puxo-me umha cara estranha, como de despiste ou de "uf, que lio agora", entom eu dixem-lhe que se lhe era mais fácil que pagava naquele momento. Assi nom tinha ela que andar a pensar que mesa e essas cousas. E nada, fum colher a carteira, volvim, paguei, pilhei a copa e todos contentes. Nada de especial. Até aqui tudo normal.
Mais tarde na noite, tavamos já dentro que fora tava fresco, todos dançantes e bebentes, fum pedir umha estrella e casualmente atendeu-me a mesma tipa. Entom, nada, deu-me a birra, perguntei-lhe que quanto era e nisto que fixo um gesto com as maos sacudindo-as cara afora, como botando-me ou dizendo-me que me fora tranquilamente. Eu quedei-me assi, meio desconcertada ou desubicada, e o primeiro que pensei foi que se cadra dixera algo pero eu com o barulho nom ouvira e volvim perguntar: "quanto é?". Entom ,mentres se afastava pareceu-me que dizia "nada, nada". E largou-se para a outro lado da barra.
E eu, com umha cara de parva, com a carteira na mao, a birra diante dos focinhos e flipando, porque nom estava segura de se acabava de passar o que me parecera que acabava de passar, ainda esperei um chisco por se a ghicha voltava. Pero nom.
Entom suuuper estranhada colhim a birra e fum-me para onde os colegas e contei-lhes o conto: "buah, eu nom estou segura, pero parece-me que a camarera me acaba de invitar", "e eu ouviria bem? porque nom tem sentido nengum....", "pois seica si que te invitou". É que aquilo nom tinha razom de ser. Que eu só lhe pedira duas vezes, nom lhe estivem a fazer gasto porque a ela pessoalmente nom lhe pedim mais que 1 copa e 1 birra, nem lhe dei léria nem nada! Se nem eramos habituais do sítio, por nom ser, sequera eramos dali, que iamos à festa...

E assi, hihi, haha dos colegas:
—Ai, ai, pois já sabes o que che toca... quereria-che algo ;)
—Hoje parece-me a mim que vás ter que fazer umha baixadinha ao pilom, hahahaha.




[Menos mal que algo se aprende, e inda vai ser verdade que as rúbias metem medo...]