Tenho debilidade polas cançons das nostalgias das cousas passadas, perdidas. Nom o podo evitar. Suponho que é sintoma de algo sobre o que melhor nom reflectir. As cançons de que falam de experiências antigas, de umha espinha que quedou, de obsessons antigas, de umha lembrança-arrependimento, das histórias de hai tempo do cantante ou melhor da voz lírica, o tal "eu". Afinal som as de todos nós. Bom, dos novos ainda nom. Ainda se supom que estám por chegar as desculpas para um dia cantar o pasaba por aqui, ou sentir o 20 de abril del noventa. Por dar exemplos nom o suficientemente representativos mas podem valer pra vc's entenderem ao que me referia. Ainda que segurissimo que o de q estám por chegar nom é para todo o mundo. Enfim. Era tudo. É que estava a escuitar umha cançom dessas e por isso.
De todos modos, outra cousa minimamente relacionada. O conceito de perdedor, de fracasado, o looser, estou convencida de que é um conceito americano... e que, afortunadamente, ainda nom está importado de tudo... Porque aqui nom hai isso, pode ter um melhor ou pior sorte na vida, mas eu nom lembro que haja essa pressom social, essa necessidade de éxito e que quem quede polo caminho seja considerado um perdedor, um inútil. Nesse sentido, creio que se julga menos, que se culpa menos, que a responsabilidade nom é cousa nossa, foi-che a vida. Será herdança do catolicismo? Serám reflexons sem pés nem cabeça? Nom sei, a mim é a impressom que me dá, mas claro, eu nom analiso, eu nom che vos som socióloga. Mas sinceramente, claro que hai "desgraçados", mas eu penso que é diferente.
Tanto tem, era só por botar a língua a pacer...